Фоторепортаж

  Чăваш Республикин вĕренÿ тата çамрăксен политикин министерстви, Чăваш Республикин вĕренÿ институчĕ тата Чăваш наци конгресĕ Вĕренÿ министерстви 2013 çулхи пуш уйăхĕн (мартăн) 14-мĕшĕнче кăларнă 572-мĕш №лĕ приказĕпе килĕшÿллĕн 2013 çулхи ака (апрель) уйăхĕн 19-мĕшĕнче наци культурин «Туслăх хĕлхемĕ» фестивальне ирттерет.
   Паян Муркашра çак конкурсăн район шайĕнчи  тапхăрĕ иртрĕ. Пурĕ икĕ номинацире тупăшрĕç 7-9 класс ачисем: «Чăвашлăх тĕнчи» (тĕпчев ĕçĕсен презентацийĕсен конкурсĕ) тата «Шевле-2013» (Çĕçпĕл Мишшине халалланă ÿкерчĕксен конкурсĕ). «Чăвашлăх тĕнчи» конкурса хутшăнма пурĕ 4 тема панă. Пирĕн район ачисем вĕсенчен виççĕшне суйласа илнĕ:
- «М.И.Скворцов профессор – словарь ăсти»;
- «Ачасем валли çыракан çыравçă» (В.Эльпи писатель 100 çул тултарнă май);
- «Чăвашсен çут çанталăка упрас ыйтăва тăратнă çыравçисем, вĕсен хайлавĕсем».
   Жюри членĕсем кашни ĕçех хăйне евĕрлĕ интереслĕ, кăткăс тата анлă пулнине палăртрĕç. Çитменлĕхсем çинчен те асăрхаттарса хăварчĕç. Кама мĕнле вырăн парасси çинчен  вĕрентекенсемпе пĕрле канашларĕç. Çĕнтерÿçĕсем вара çаксем пулса тăчĕç:
- 1-мĕш вырăн – Максимова Наталия  (Кашмашри пĕтĕмĕшле пĕлÿ паракан тĕп шкул, 9 класс), ертÿçи - Данилова Алина Михайловна;
- 2-мĕш вырăн – Скворцова Людмила (Çатракассинчи  пĕтĕмĕшле пĕлÿ паракан вăтам  шкул», 9 класс),  ертÿçи - Никитина Л.В.;
- 3-мĕш вырăн – Тимофеев Димитрий  (Шурчари пĕтĕмĕшле пĕлÿ паракан тĕп шкул, 7 класс), ертÿçи – Тюрина Нина Михайловна.
   Сăмах май каласан, Максимова Наталия ку конкурсра пĕрре мар çĕнтерÿçĕ пулнă. Халĕ каллех Муркаш район чысне сыхлама Шупашкара каять. Скворцова Людмила та питĕ пысăк ĕç туса ирттернĕ. Тимофеев Дима вара конкурса хутшăнакансенчен чи çамрăкки пулсан та маттур пулнине çирĕплетрĕ. Ăнăçу сунатпăр пурне те. Тепĕр çул конкурса тата та активлăрах хутшăнасса шанатпăр.